പ്രഖ്യാപനവുമായി കേരള സർക്കാർ

തിരുവനന്തപുരം: ഗ്ലാസ്‌ഗോയിൽ നടന്ന 2026 കോമൺവെൽത്ത് ഗെയിംസിൽ രാജ്യത്തിന് അഭിമാനമായി മാറിയ മലയാളി കായികതാരങ്ങൾക്ക് വൻ തുക പാരിതോഷികം പ്രഖ്യാപിച്ച് കേരള സർക്കാർ. മെഡൽ നേട്ടത്തിലൂടെ നാടിന് പെരുമ കൊണ്ടു വന്ന കായികതാരങ്ങളെയും കോച്ചുമാരെയും ക്യാബിനറ്റ് യോഗ തീരുമാനപ്രകാരം പ്രത്യേക പാരിതോഷികം നൽകി ആദരിക്കുമെന്ന് കായിക മന്ത്രി ഒ.ജെ. ജനീഷ് അറിയിച്ചു.

Read: കുറ്റ്യാടിയിൽ ആദ്യമായി ‘MLA Cup’ വടംവലി മത്സരം; ഓഗസ്റ്റ് 22ന് കളമൊരുങ്ങുന്നു

വൻ തുക പാരിതോഷികം ആർക്കെല്ലാം?

Read: പ്രതിശ്രുത വധു ജീവനൊടുക്കിയതിന് പിന്നാലെ പ്രതിശ്രുത വരനും മരിച്ച നിലയിൽ

  • മുരളി ശ്രീശങ്കർ & മുഹമ്മദ് ബാസിൽ: കോമൺവെൽത്ത് ഗെയിംസ് ലോംഗ് ജമ്പിൽ വെള്ളി മെഡൽ നേടിയ മുരളി ശ്രീശങ്കറിനും, പാരാ അത്‌ലറ്റിക്‌സ് പുരുഷന്മാരുടെ 100 മീറ്ററിൽ വെള്ളി നേടിയ മുഹമ്മദ് ബാസിലിനും20 ലക്ഷം രൂപ വീതം സമ്മാനത്തുക നൽകും.
  • യുവ കായികതാരങ്ങൾക്കും വൻ തുക: അണ്ടർ-12 വേൾഡ് ചെസ്സ് ചാമ്പ്യൻഷിപ്പ് വിജയിച്ച ദിവ്യ ബിജേഷിനും, അണ്ടർ-23 ഏഷ്യൻ ഗെയിംസ് മിക്സഡ് റിലേയിൽ സ്വർണം നേടിയ ഇന്ത്യൻ ടീമംഗം സാന്ദ്ര മോൾ സാബുവിനും20 ലക്ഷം രൂപ വീതം സമ്മാനത്തുക പ്രഖ്യാപിച്ചു.
  • ഫൈനലിസ്റ്റുകൾക്ക് 5 ലക്ഷം: കോമൺവെൽത്ത് ഗെയിംസ് നീന്തൽ ഫൈനലിലെത്തിയ സാജൻ പ്രകാശിനും, 4×400 മീറ്റർ മിക്സഡ് റിലേ ഫൈനലിസ്റ്റ് അൻസ ബാബുവിനും 5 ലക്ഷം രൂപ വീതം നൽകും.
  • കോച്ചുമാർക്ക് ആദരം: വെള്ളി മെഡൽ ജേതാക്കളായ ശ്രീശങ്കറിന്റെയും മുഹമ്മദ് ബാസിലിന്റെയും പരിശീലകർക്ക് 2 ലക്ഷം രൂപ വീതം നൽകും.

പാരിതോഷിക തുകയിൽ വൻ വർദ്ധനവ്

Read: അത്തം മുതൽ തിരുവോണം വരെ കിറ്റുകൾ; കോഴിക്കോട് ബീച്ചിലും ഓണച്ചന്ത സജീവം

മുമ്പ് നിലവിലുണ്ടായിരുന്ന തുക പര്യാപ്തമല്ലെന്ന് കണ്ടാണ് പാരിതോഷിക തുക കുത്തനെ വർദ്ധിപ്പിക്കാൻ സർക്കാർ തീരുമാനിച്ചതെന്ന് കായിക മന്ത്രി വ്യക്തമാക്കി. മുൻ നിയമപ്രകാരം കോമൺവെൽത്ത് ഗെയിംസ് സ്വർണ്ണത്തിന് 5 ലക്ഷവും, വെള്ളിക്ക് 3 ലക്ഷവും, വെങ്കലത്തിന് 1 ലക്ഷവുമാണ് ലഭിച്ചിരുന്നത്. 2022-ൽ വെള്ളി നേടിയപ്പോൾ ശ്രീശങ്കറിന് 10 ലക്ഷം രൂപ നൽകിയിരുന്നു. തുടർന്നാണ് ഇപ്പോൾ അത്‌ലറ്റുകൾക്ക് കൂടുതൽ സഹായകരമാകുന്ന രീതിയിൽ 20 ലക്ഷം രൂപയായി ഉയർത്തിയത്.

“കായിക മേഖലയെ കൂടുതൽ ‘കായികതാര സൗഹൃദം’ (Athlete-friendly) ആക്കുക എന്നതും അനാവശ്യ രാഷ്ട്രീയവൽക്കരണം ഒഴിവാക്കുക എന്നതുമാണ് സർക്കാരിന്റെ പ്രഖ്യാപിത നയം.”

— ഒ.ജെ. ജനീഷ് (കായിക മന്ത്രി)

കുടിശ്ശിക തീർപ്പാക്കാൻ തീവ്രശ്രമം

2019 മുതൽ ദേശീയ-അന്തർദേശീയ മത്സരങ്ങളിൽ മെഡൽ നേടിയ താരങ്ങൾക്ക് ലഭിക്കാനുള്ള പാരിതോഷിക തുകയുടെ കുടിശ്ശിക വിതരണം ചെയ്യാനുള്ള നടപടികൾ ഊർജ്ജിതമാക്കിയതായും മന്ത്രി അറിയിച്ചു. ഇതിന്റെ ആദ്യപടിയായി 1.5 കോടി രൂപ അനുവദിച്ചിട്ടുണ്ടെന്നും ബാക്കി തുക അടുത്ത ഏതാനും മാസങ്ങൾക്കുള്ളിൽ നൽകുമെന്നും അദ്ദേഹം വ്യക്തമാക്കി